ਭਾਜਪਾ ਦੇ ਐਲਾਨ ਨੇ ਸਾਬਤ ਕਰ ਦਿੱਤਾ ਹੈ ਕਿ ਐਨਡੀਏ ਵਿਚ ਸ਼ਾਮਲ ਬਾਕੀ ਪਾਰਟੀਆਂ ਦਾ ਕੋਈ ਵਜੂਦ ਨਹੀਂ- ਗਹਿਰੀ
ਭਾਜਪਾ ਨੇ ਖੇਤਰੀ ਪਾਰਟੀਆਂ ਨੂੰ ਖਤਮ ਕਰਨ ਦਾ ਟੀਚਾ ਮਿੱਥਿਆ- ਗਹਿਰੀ
![](https://news99punjab.com/wp-content/uploads/2024/04/IMG-20240320-WA0185-600x470.jpg)
ਸੁਖਜਿੰਦਰ ਸਹੋਤਾ
ਫਰੀਦਕੋਟ 3 ਅਪ੍ਰੈਲ
ਚੋਣ ਮਨੋਰਥ ਪੱਤਰ ਨੂੰ ਲੈ ਕੇ ਹਾਲ ਹੀ ਵਿਚ ਐਨਡੀਏ ਦੀ ਭਾਈਵਾਲ ਭਾਰਤੀ ਜਨਤਾ ਪਾਰਟੀ ਵੱਲੋਂ ਕੀਤੇ ਗਏ ਐਲਾਨ ਤੋਂ ਬਾਅਦ ਵਿਰੋਧੀ ਪਾਰਟੀਆ ਵੱਲੋਂ ਸਵਾਲ ਉਠਾਏ ਜਾਣ ਲੱਗੇ ਹਨ ਅਤੇ ਐਨਡੀਏ ਦੀਆ ਭਾਈਵਾਲ ਪਾਰਟੀਆਂ ਬਾਰੇ ਵਿਰੋਧੀਆਂ ਦਾ ਕਹਿਣਾਂ ਕਿ ਭਾਰਤੀ ਜਨਤਾ ਪਾਰਟੀ ਸਾਹਮਣੇ ਐਨਡੀਏ ਦੀਆਂ ਬਾਕੀ ਭਾਈਵਾਲ ਪਾਰਟੀਆਂ ਦਾ ਕੋਈ ਵਜੂਦ ਨਹੀਂ ਹੈ।
ਇਸ਼ਤਿਹਾਰ
ਚੋਣ ਮਨੋਰਥ ਪੱਤਰ ਬਾਰੇ ਹਾਲ ਹੀ ਵਿਚ ਭਾਜਪਾ ਵੱਲੋਂ ਕੀਤੇ ਗਏ ਐਲਾਨ ਦੇ ਬਾਰੇ ਗੱਲਬਾਤ ਕਰਦਿਆ ਦਲਿਤ ਨੇਤਾ ਕਿਰਨਜੀਤ ਸਿੰਘ ਗਹਿਰੀ ਚੇਅਰਮੈਨ ਦਲਿਤ ਮਹਾਂਪੰਚਾਇਤ ਪੰਜਾਬ, ਜਨਰਲ ਸਕੱਤਰ ਕਾਂਗਰਸ ਪਾਰਟੀ ਨੇ ਕਿਹਾ ਕਿ ਜਿੰਨਾਂ ਵੀ ਪਾਰਟੀਆਂ ਨੇ ਭਾਜਪਾ ਨਾਲ ਹੱਥ ਮਿਲਾਇਆ ਭਾਜਪਾ ਨੇ ਉਹਨਾਂ ਨੂੰ ਖਤਮ ਕਰਨ ਦਾ ਕੰਮ ਕੀਤਾ।
ਇਸ਼ਤਿਹਾਰ
ਉਹਨਾਂ ਕਿਹਾ ਕਿ ਭਾਜਪਾ ਨੇ ਜੋ ਐਲਾਨ ਕੀਤਾ ਕਿ ਐਨਡੀਏ ਦੀਆਂ ਭਾਈਵਾਲ ਪਾਰਟੀਆ ਨੂੰ ਭਾਜਪਾ ਦੇ ਚੋਣ ਮਨੋਰਥ ਪੱਤਰ ਤੇ ਹੀ ਚੋਣ ਲੜਨੀ ਹੋਵੇਗੀ ਇਹ ਭਾਈਵਾਲ ਪਾਰਟੀਆਂ ਦੇ ਹੱਕਾਂ ਤੇ ਡਾਕਾ ਮਾਰਨ ਬਰਾਬਰ ਹੈ।ਦਲਿਤ ਨੇਤਾ ਨੇ ਕਿਹਾ ਕਿ ਬੀਜੇਪੀ ਦੀ ਸੋਚ ਗੈਰ ਬੀਜੇਪੀ ਪ੍ਰਤੀ ਠੀਕ ਨਹੀਂ। ਉਹਨਾਂ ਕਿਹਾ ਕਿ ਬੀਜੇਪੀ ਵੱਲੋਂ ਘੱਟ ਗਿਣਤੀਆ ਅਤੇ ਮੂਲ ਨਿਵਾਸੀਆ ਨੂੰ ਲਗਾਤਾਰ ਨਿਸ਼ਾਨਾਂ ਬਣਾਇਆ ਜਾ ਰਿਹਾ।
ਇਸ਼ਤਿਹਾਰ
ਉਹਨਾਂ ਕਿਹਾ ਕਿ ਜੋ ਪਾਰਟੀ ਵੱਖ ਵੱਖ ਖੇਤਰੀ ਪਾਰਟੀਆਂ ਨਾਲ ਗਠਜੋੜ ਦੇ ਸਹਾਰੇ ਸੱਤਾ ਵਿਚ ਆਈ ਸੀ ਅਤੇ ਪਿਛਲੇ 10 ਸਾਲ ਤੋਂ ਇਸ ਨੇ ਸੱਤਾ ਵਿਚ ਆਪਣੀ ਪਕੜ ਮਜਬੂਤ ਕਰਦਿਆਂ ਪਹਿਲਾ ਕੰਮ ਉਹਨਾਂ ਖੇਤਰੀ ਪਾਰਟੀਆ ਨੂੰ ਖਤਮ ਕਰਨ ਦਾ ਕੀਤਾ ਜਿੰਨਾਂ ਸਹਾਰੇ ਇਸ ਨੇ ਸੱਤਾ ਸੁਖ ਪ੍ਰਾਪਤ ਕੀਤਾ ਹੈ।ਉਹਨਾਂ ਉਦਾਹਰਨ ਦਿੰਦਿਆ ਕਿਹਾ ਕਿ ਸਭ ਤੋਂ ਪਹਿਲਾਂ ਬੀਜੇਪੀ ਨੇ ਹਰਿਆਣਾ ਵਿਚ ਆਪਣੀ ਭਾਈਵਾਲ ਪਾਰਟੀ ਇਨੈਲੋ ਨੂੰ ਖਤਮ ਕੀਤਾ, ਉਸ ਤੋਂ ਬਾਅਦ ਇਹਨਾਂ ਪੰਜਾਬ ਦੀ ਆਪਣੀ ਸਭ ਤੋਂ ਪ੍ਰਾਣੀ ਭਾਈਵਾਲ ਪਾਰਟੀ ਸ਼੍ਰੋਮਣੀ ਅਕਾਲੀ ਦਲ ਜਿਸ ਦੇ ਮੁਖੀ ਦਾ ਜਨ ਸੰਘ ਨੂੰ ਭਾਰਤੀ ਜਨਤਾ ਪਾਰਟੀ ਬਣਾਉਣ ਵਿਚ ਅਹਿਮ ਯੋਗਦਾਨ ਰਿਹਾ ਨੂੰ ਵੀ ਖੇਰੂ ਖੇਰੂ ਕਰਨ ਦੀ ਕੋਈ ਕਸਰ ਨਹੀਂ ਛੱਡੀ,
ਇਸ਼ਤਿਹਾਰ
ਬਿਹਾਰ ਵਿਚ ਬੀਜੇਪੀ ਦੀ ਭਾਈਵਾਲ ਰਹੀ ਰਾਮ ਵਿਲਾਸ ਪਾਸਵਨ ਦੀ ਲੋਕ ਜਨਸਕਤੀ ਪਾਰਟੀ ਵੀ ਇਹਨੀਂ ਦਿਨੀ ਆਖਰੀ ਸਾਹਾਂ ਤੇ ਹੈ, ਬਿਹਾਰ ਵਿਚ ਹੀ ਨਤੀਸ਼ ਕੁਮਾਰ ਦੀ ਪਾਰਟੀ ਦਾ ਵੀ ਲਗਭਗ ਇਹੋ ਹਾਲ ਹੋਇਆ ਅਤੇ ਜੰਮੂ ਕਸ਼ਮੀਰ ਦੀ ਪੀਡੀਪੀ ਦਾ ਹਾਲ ਵੀ ਸਭ ਦੇ ਸਾਹਮਣੇ ਹੈ। ਇਸ ਦੇ ਨਾਲ ਹੀ ਸਾਬਕਾ ਪ੍ਰਧਾਨ ਮੰਤਰੀ ਐਚ.ਡੀ. ਦੇਵ ਗੌੜਾ ਦੀ ਪਾਰਟੀ ਵਾਂਗ ਹੋਰ ਵੀ ਕਈ ਖੇਤਰੀ ਪਾਰਟੀਆ ਹਨ ਜੋ ਬੀਜੇਪੀ ਨਾਲ ਗਠਜੋੜ ਕਰਨ ਤੋਂ ਬਾਅਦ ਨਿਘਾਰ ਵੱਲ ਹੀ ਗਈਆ।
ਉਹਨਾਂ ਕਿਹਾ ਕਿ ਬੀਜੇਪੀ ਨੇ ਇਸ ਤਰਾਂ ਆਪਣੀਆਂ ਸਹਿਯੋਗੀ ਖੇਤਰੀ ਪਾਰਟੀਆਂ ਨੂੰ ਖਤਮ ਕੀਤਾ ਹੈ ਜਿਸ ਤਰਾਂ ਕਾਰਪੋਟਰੇਟ ਘਰਾਣੇ ਦੇਸ਼ ਦੇ ਛੋਟੇ ਕਾਰੋਬਾਰੀਆ ਨੂੰ ਖਤਮ ਕਰ ਰਹੇ ਹਨ ਅਤੇ ਇਹ ਸਭ ਲੋਕਤੰਤਰ ਲਈ ਖਤਰੇ ਦੀ ਘੰਟੀ ਹੈ। ਗਹਿਰੀ ਨੇ ਕਿਹਾ ਕਿ ਦੇਸ਼ ਦੇ ਲੋਕਤੰਤਰ ਨੂੰ ਬਚਾਉਣ, ਭਾਰਤੀ ਸ਼ੰਵਿਧਾਨ ਨੂੰ ਜਿੰਦਾ ਰੱਖਣ,ਮਹਿੰਗਾਈ, ਬੇਰੁਜਗਾਰੀ, ਨਫਰਤ ਦੀ ਰਾਜਨੀਤੀ,ਸਰਕਾਰੀ ਅਦਾਰਿਆਂ ਦੇ ਨਿੱਜੀ ਕਰਨ ਨੂੰ ਰੋਕਣ,ਰਾਖਵਾਂ ਕਰਨਮ ਬਚਾਉਣ, ਦੇਸ਼ ਨੂੰ ਕਾਰਪੋਰੇਟ ਘਰਾਣਿਆਂ ਦੀ ਗੁਲਾਮੀਂ ਤੋਂ ਬਚਾਉਣ ਅਤੇ ਦੇਸ਼ ਅੰਦਰ ਅੰਗਰੇਜਾਂ ਤੋਂ ਪਹਿਲਾਂ ਵਾਲੇ ਹਾਲਾਤ ਪੈਦਾ ਹੋਣ ਤੋਂ ਪਹਿਲਾਂ ਹੀ ਲੋਕਾਂ ਨੂੰ ਬੀਜੇਪੀ ਨੂੰ ਸੱਤਾ ਤੋਂ ਲਾਂਭੇ ਕਰਨਾਂ ਸਮੇਂ ਦੀ ਲੋੜ ਹੈ।ਉਹਨਾਂ ਕਿਹਾ ਕਿ ਇਸ ਸਭ ਲਈ ਕਾਂਗਰਸ ਪ੍ਰਧਾਨ ਮਲਿਕ ਅਰਜੁਨ ਖੜਗੇ, ਰਾਹੁਲ ਗਾਂਧੀ ਅਤੇ ਇੰਡੀਆ ਗਠਜੋੜ ਨੂੰ ਮਜਬੂਤ ਕਰਨਾਂ ਜਰੂਰੀ ਹੈ।