ਬਾਬਾ ਫਰੀਦ ਯੂਨੀਵਰਸਿਟੀ ਆਫ ਹੈਲਥ ਸਾਇੰਸਿਜ਼, ਫਰੀਦਕੋਟ ਵਿਖੇ “ਗਲੋਬਲ ਵੂਮੈਨ ਬ੍ਰੇਕਫਾਸਟ” ਸਮਾਰੋਹ
ਸੁਖਜਿੰਦਰ ਸਹੋਤਾ
ਫਰੀਦਕੋਟ 29 ਫ਼ਰਵਰੀ,
ਯੂਨੀਵਰਸਿਟੀ ਇੰਸਟੀਚਿਊਟ ਆਫ਼ ਫਾਰਮਾਸਿਊਟੀਕਲ ਸਾਇੰਸਜ਼ ਐਂਡ ਰਿਸਰਚ (UIPSR)ਕੰਨਸਟੀਚਿਊਟ ਕਾਲਜ ਬਾਬਾ ਫ਼ਰੀਦ ਯੂਨੀਵਰਸਿਟੀ ਆਫ਼ ਹੈਲਥ ਸਾਇੰਸਿਜ਼ (BFUHS) ਫ਼ਰੀਦਕੋਟ ਨੇ ਔਨਲਾਈਨ ਮੋਡ ਵਿੱਚ ‘ਗਲੋਬਲ ਵੂਮੈਨ ਬ੍ਰੇਕਫਾਸਟ’ ਦਾ ਆਯੋਜਨ ਕੀਤਾ। ਪ੍ਰੋਫੇਸਰ(ਡਾ.) ਰਾਜੀਵ ਸੂਦ, ਵਾਇਸ ਚਾਂਸਲਰ ਬਾਬਾ ਫਰੀਦ ਯੂਨੀਵਰਸਿਟੀ ਆਫ ਹੈਂਲਥ ਸਾਇੰਸਿਜ ਫਰੀਦਕੋਟ ਵਲੋਂ ਇਸ ਸਮਾਗਮ ਦੀ ਪ੍ਰਧਾਨਗੀ ਕੀਤੀ ਗਈ |
ਇਹ ਸਮਾਗਮ “ਵਿਗਿਆਨ ਵਿੱਚ ਵਿਭਿੰਨਤਾ ਨੂੰ ਉਤਪ੍ਰੇਰਿਤ ਕਰਨਾ” ਥੀਮ ਤੇ ਅਧਾਰਿਤ ਸੀ ਅਤੇ ਜਿਸ ਵਿੱਚ ਦੇਸ਼ ਦੇ ਵੱਖ ਵੱਖ ਕੋਨਿਆਂ ਤੋਂ ਬਹੁਤ ਸਾਰੇ ਪਤਵੰਤੇ ਇਸ ਸਮਾਗਮ ਵਿੱਚ ਸ਼ਾਮਲ ਹੋਏ। ਸ਼੍ਰੀਮਤੀ ਰੀਵਾ ਸੂਦ, ਮੈਨੇਜਿੰਗ ਟਰੱਸਟੀ, ਇੰਡਕੇਅਰ ਟਰੱਸਟ ਨਵੀਂ ਦਿੱਲੀ ਅਤੇ ਡਾ: ਸ਼ੁਭਿਨੀ ਏ ਸਰਾਫ, ਡਾਇਰੈਕਟਰ, NIPER, ਰਾਏਬਰੇਲੀ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਇਸ ਮੌਕੇ ਬੁਲਾਰਿਆਂ ਵਿੱਚ ਡਾ: ਗੀਤਾ ਅਗਰਵਾਲ ਪ੍ਰੋਫੈਸਰ, ਡੀਪੀਐਸਆਰਯੂ, ਨਵੀਂ ਦਿੱਲੀ, ਡਾ: ਸੁਮਿਤ ਮਿਸ਼ਰਾ, ਐਸੋਸੀਏਟ ਪ੍ਰੋਫੈਸਰ, ਬੀਆਈਟੀ, ਮੇਸਰਾ (ਰਾਂਚੀ) ਅਤੇ ਡਾ: ਚਾਰੂ ਕਾਲੜਾ, ਐਸੋਸੀਏਟ ਪ੍ਰੋਫੈਸਰ, ਦਿੱਲੀ ਯੂਨੀਵਰਸਿਟੀ ਸ਼ਾਮਲ ਸਨ। ਸਮਾਗਮ ਦਾ ਸੰਚਾਲਨ ਪ੍ਰੋਫੈਸਰ ਪੂਜਾ ਚਾਵਲਾ ਨੇ ਕੀਤਾ। ਸ਼ੁਰੂ ਵਿੱਚ ਕਾਲਜ ਦੇ ਪ੍ਰਿੰਸੀਪਲ ਡਾ: ਵਿੰਨੈ ਚਾਵਲਾ ਨੇ ਸਾਰੇ ਮਹਿਮਾਨਾਂ ਅਤੇ ਪ੍ਰਤੀਭਾਗੀਆਂ ਦਾ ਸਵਾਗਤ ਕੀਤਾ।
ਉਨ੍ਹਾਂ ਦੱਸਿਆ ਕਿ ਇਹ ਸਮਾਗਮ ਪੰਜਾਬ ਵਿੱਚ ਪਹਿਲੀ ਵਾਰ ਕਰਵਾਇਆ ਜਾ ਰਿਹਾ ਹੈ। ਇਸ ਮੌਕੇ ‘ਤੇ ਬੋਲਦਿਆਂ ਮੁੱਖ ਮਹਿਮਾਨ, ਪ੍ਰੋਫੈਸਰ (ਡਾ.) ਰਾਜੀਵ ਸੂਦ ਨੇ ਗਲੋਬਲ ਵੂਮੈਨ ਬ੍ਰੇਕਫਾਸਟ ਦੀ ਮਹੱਤਤਾ ਬਾਰੇ ਚਾਨਣਾ ਪਾਇਆ ਅਤੇ ਦੱਸਿਆ ਕਿ ਲਿੰਗ ਅਸਮਾਨਤਾ ਨੂੰ ਦੂਰ ਕਰਨ ਲਈ ਅਜਿਹੇ ਸਮਾਗਮ ਦਾ ਅਯੋਜਨ ਕਰਨ ਬਹੁਤ ਹੀ ਜ਼ਰੂਰੀ ਹੈ। ਮਹਿਮਾਨ, ਸ਼੍ਰੀਮਤੀ ਰੀਵਾ ਸੂਦ ਨੇ ਸਾਰੇ ਵਿਸ਼ਿਆਂ ਵਿੱਚ ਔਰਤਾਂ ਵਿੱਚ ਉੱਦਮਤਾ ਦੀ ਮਹੱਤਤਾ ‘ਤੇ ਜ਼ੋਰ ਦਿੱਤਾ। ਪ੍ਰੋ: ਸ਼ੁਭਿਨੀ ਏ ਸਰਾਫ਼ ਨੇ ਬਰਾਬਰੀ, ਸਮਾਨਤਾ ਅਤੇ ਸ਼ਮੂਲੀਅਤ ਬਾਰੇ ਮਿੱਥਾਂ ਨੂੰ ਤੋੜਿਆ। ਉਸਨੇ ਹਾਜ਼ਰੀਨ ਨੂੰ ਸਮੁੱਚੇ ਵਿਕਾਸ ਲਈ ਟਿਕਾਊ ਟੀਚਿਆਂ ‘ਤੇ ਨਜ਼ਰ ਰੱਖਣ ਦੀ ਅਪੀਲ ਕੀਤੀ।
ਡਾ: ਗੀਤਾ ਅਗਰਵਾਲ ਨੇ “ਵੂਮੈਨ ਇਨ ਇਨੋਵੇਸ਼ਨ: ਟੈਕਨਾਲੋਜੀ ਟ੍ਰਾਂਸਫਰ ਅਤੇ ਸਟਾਰਟ-ਅੱਪਸ” ਵਿਸ਼ੇ ‘ਤੇ ਆਪਣਾ ਭਾਸ਼ਣ ਦਿੱਤਾ, ਦੂਜੇ ਬੁਲਾਰੇ, ਡਾ: ਸੁਮਿਤ ਮਿਸ਼ਰਾ ਨੇ ਵਿਗਿਆਨ, ਸਮਾਜ ਅਤੇ ਮਹਿਲਾ ਸਸ਼ਕਤੀਕਰਨ ਬਾਰੇ ਦੱਸਿਆ। ਦਿਨ ਦੇ ਤੀਜੇ ਬੁਲਾਰੇ ਡਾ: ਚਾਰੂ ਕਾਲੜਾ ਦੁਆਰਾ ਵਿਗਿਆਨ ਵਿੱਚ ਭਾਰਤੀ ਔਰਤਾਂ ਦੇ ਯੋਗਦਾਨ ਅਤੇ ਪ੍ਰਾਪਤੀਆਂ ‘ਤੇ ਚਾਨਣਾ ਪਾਇਆ ਗਿਆ। ਤਿੰਨੋਂ ਬੁਲਾਰਿਆਂ ਦੁਆਰਾ ਤਕਨੀਕੀ ਸੈਸ਼ਨਾਂ ਨੂੰ ਸਰੋਤਿਆਂ ਦੁਆਰਾ ਭਰਪੂਰ ਸਲਾਹਿਆ ਗਿਆ ਅਤੇ ਸ਼ਲਾਘਾ ਕੀਤੀ ਗਈ।
ਯੂਨੀਵਰਸਿਟੀ ਇੰਸਟੀਚਿਊਟ ਆਫ ਫਾਰਮਾਸਿਊਟੀਕਲ ਸਾਇੰਸਜ਼ ਐਂਡ ਰਿਸਰਚ, ਫਰੀਦਕੋਟ ਸਮੇਤ ਦੇਸ਼ ਦੇ ਵੱਖ-ਵੱਖ ਕਾਲਜਾਂ ਤੋਂ ਬਹੁਤ ਸਾਰੇ ਵਿਦਿਆਰਥੀਆਂ ਅਤੇ ਫੈਕਲਟੀ ਮੈਂਬਰਾਂ ਨੇ ਇਸ ਸਮਾਗਮ ਵਿੱਚ ਆਨਲਾਈਨ ਸ਼ਮੂਲੀਅਤ ਕੀਤੀ।
ਇਸ ਮੌਕੇ ‘ਤੇ ਡਾ: ਵਿਜੇਂਦਰ ਸੋਲੰਕੀ, ਨੈਸ਼ਨਲ ਕੋਆਰਡੀਨੇਟਰ ਗਲੋਬਲ ਵੂਮੈਨ ਬ੍ਰੇਕਫਾਸਟ 2024 ਵੀ ਮੌਜੂਦ ਸਨ। ਸ਼੍ਰੀਮਤੀ ਮੋਨਿਕਾ, ਸਹਾਇਕ ਪ੍ਰੋ. ਵਲੋਂ ਅੰਤ ਵਿੱਚ ਧੰਨਵਾਦ ਦਾ ਮਤਾ ਪੇਸ਼ ਕੀਤਾ ਗਿਆ ।
